OnePlus One: ყველაზე ძვირიანი და კონცეპტუალური სმარტფონი

11

მსოფლიოს წამყვანი მწარმოებლები აქტიურად მუშაობენ ისეთი დიზაინის სმარტფონის შექმნაზე, რომელიც მაქსიმალურად მოსახერხებლად უზრუნველყოფს ხარისხიან ვიდეო და ფოტო გადაღებას. სწორედ ასეთი ორიგინალური გადაწყვეტილება შემოგვთავაზა კომპანიამ OnePlus კონცეპტუალურ სმარტფონში Concept One. გამოფენა CES 2020-ის ფარგლებში კომპანიამ აჩვენა დეკემბერში დაანონსებული სმარტფონი, რომელშიც პრაქტიკულად შეუმჩნევლად არის განთავსებული ძირითადი კამერა.

დიზაინი

წარმოდგენილი კონცეპტუალური სმარტფონის დიზაინში გამოყენებულია წინამორბედის OnePlus 7T Pro McLaren Edition-ის მოტივები. Concept One - ის უკანა პანელი დამუშავებულია ნარინჯისფერი ტყავით, ისეთეთით, რომელსაც სპორტული ავტომობილის McLaren 720S-ის სალონში იყენებენ.

ელექტროქრომული მინა

მოდელის მთავარი განსაკუთრებულობა ელექტროქრომული მინაა, რომელიც ფარავს ძირითად სამმაგ კამერას და ფლეშ განათების მოდულს. ეს მინა გამოიყენება მანქანათმშენებლობაში, გამჭვირვალე სახურავების გასაკეთებლად.

მთავარი თვისებები

ელექტროქრომული მინის მთავარი თვისებაა შუქის გატარების ცვლილება მასზე ელექტრონული დაწოლის დროს. გარკვეულ პირობებში მინა პრაქტიკულად მთლიანად გაუმჭვირვალე ხდება და ფარავს ტელეფონის კამერებს. თუმცა გადაღების რეჟიმის აქტივაციისას მინა ხდება სრულიად გამჭვირვალე და იძლევა ფოტო-ვიდეო გადაღების საშუალებას. 
გარდა ამისა დამცავი ელექტროქრომული მინა ასრულებს ცვლადი ნეიტრალური სიმჭიდროვის ფილტრის ფუნქციას (ND). მწარმოებლების განცხადებით Concept One-ზე ამ ტიპის მინის დაყენება საშუალებას იძლევა მივაღწიოთ ND9-ს და ამგვარად საგრძნობლად შევამციროთ კამერების სენსორების განათება, რაც კაშკაშა მზის ქვეშ ხარისხიანი ფოტოს გადაღების საშუალებას მოგვცემს.

მინის ტექნიკური პარამეტრები

2

მინის ტექნიკური პარამეტრებიდან ვიგებთ, რომ ბნელი მდგომარეობიდან სამუშაოში გადასვლისთვის მას სჭირდება მხოლოდ 0.7 წამი. მწარმოებლები ირწმუნებიან, რომ მინის გამჭვირვალობის მაღალი მაჩვენებელი უზრუნველყოფს გადაღების უმაღლეს ხარისხს და არ ახდენს გავლენას ფოტოზე.

სმარტფონის დანიშნულება

აღნიშნული სახით სმარტფონის გაშვება მასობრივ გაყიდვაში არ იგეგმება. მისი ძირითადი დანიშნულებაა ორიგინალური ტექნიკური გადაწყვეტილების დემონსტრირება, რაც ზრდის გადაღების ხარისხს და ფარავს ძირითად კამერას, რომელიც საკმაოდ ხშირად ამახინჯებს თანამედროვე სმარტფონების გარეგნულ იერსახეს.
ზევით